As Figuraciós de Luís Seoane son unha obra de carácter híbrido, en que se acada o máis alto grao de fusión entre o elemento literario e o elemento plástico. O vínculo entre estes dous ámbitos artísticos confórmase como unha constante na totalidade da obra do autor, encontrándose no conxunto do seu traballo múltiples casos de paralelismos temáticos e motivos similares ou idénticos. Así, as Figuraciós encádranse como unha actividade creativa coherente tanto coa concepción interartística defendida por Seoane, como co seu universo creativo.